Skyndihjálparskólinn leggur áherslu á að veita kennslu sem byggir á reynslu úr raunverulegum aðstæðum – þar sem skyndihjálp hefur skipt sköpum.

Leiðbeinendur okkar koma beint úr neyðarþjónustu og hafa veitt aðstoð við krefjandi aðstæður. Þeir miðla ekki aðeins fræðilegri þekkingu, heldur einnig dýrmætri reynslu úr vettvangi þar sem réttu viðbrögðin á fyrstu mínútum geta ráðið úrslitum um líf og heilsu.

Við leggjum sérstaka áherslu á öryggisvitund og mótvægisaðgerðir, þar sem markmiðið er að fyrirbyggja slys og draga úr alvarleika atvika. Í mörgum tilfellum er það viðbragð samstarfsmanna eða nærstaddra sem ræður úrslitum áður en fagfólk kemur á vettvang. Því skiptir máli að starfsfólk hafi þekkingu, sjálfstraust og skýra mynd af því hvernig bregðast skal við.

Kennslan hjá okkur er hagnýt og lifandi. Við notum fjölbreyttan kennslubúnað og raunhæfar æfingar sem gera þátttakendum kleift að æfa viðbrögð í öruggu umhverfi. Kennslufræði okkar leggur áherslu á að námskeiðin séu hröð, spennandi og skemmtileg, þar sem þátttakendur fá tækifæri til að taka virkan þátt og læra með því að gera.

Við bjóðum upp á námskeið sniðin að þörfum hópa og fyrirtækja – hvort sem um ræðir skrifstofuumhverfi, skólastofur eða iðnað. Jafnframt bjóðum við fyrirtækjum upp á reglulega fræðslu og endurmenntun sem tryggir að færni starfsmanna viðhelst og að vinnustaðurinn sé betur undirbúinn ef upp kemur alvarlegt atvik.

Mörg fyrirtæki kjósa að vinna með okkur til lengri tíma með reglulegum námskeiðum, æfingum og uppfærslu á viðbragðsþekkingu starfsfólks. Þannig byggist upp sterkari öryggismenning og meiri viðbragðsgeta innan vinnustaðarins.

Markmiðið er alltaf hið sama: að gera ykkar umhverfi öruggara – og tryggja að starfsfólk sé tilbúið að bregðast við þegar það skiptir mestu máli.

4 tíma fyrirtækjanámskeið
(vinsælast)

Leiðbeinendur okkar búa yfir víðtækri reynslu – bæði við kennslu og sem starfandi aðilar í daglegri neyðarþjónustu. Þeir þekkja því vel þær hættur og áskoranir sem geta komið upp í mismunandi starfsumhverfum og miðla þeirri reynslu beint inn í kennsluna.

Við skiljum að öryggisþarfir eru ólíkar eftir starfsgreinum. Leikskólakennari þarf ekki að þekkja hættuleg efnahvörf – en iðnaðarmaður gerir það. Þess vegna byggja skyndihjálparnámskeið Skyndihjálparskólans á raunverulegum aðstæðum á vinnustað. Áhersla er lögð á fyrstu viðbrögð, að kalla eftir aðstoð í 1-1-2, veita skyndihjálp á vettvangi, bregðast við áföllum og styrkja öryggisvitund gagnvart þeim ógnum sem geta komið upp í ykkar starfsemi.

Kennslan er hagnýt og byggir á raunhæfum æfingum þar sem þátttakendur fá tækifæri til að æfa viðbrögð við aðstæðum sem geta komið upp á þeirra eigin vinnustað.

Markmiðið er skýrt: að gera ykkar vinnustað öruggari og efla viðbragðsgetu starfsfólks þegar það skiptir mestu máli.

Skyndihjálparnámskeið eru jafnframt mikilvægur þáttur í innleiðingu og viðhaldi á öryggisstjórnunarkerfum eins og ISO 45001, þar sem lögð er áhersla á þjálfun, viðbúnað og hæfni starfsmanna til að bregðast við atvikum.

Örnámskeið

Örnám – Skyndihjálp fyrir alla

Hvort sem þú ert á vinnustað, nýbakað foreldri, í saumaklúbb, skotveiðiklúbbi, karlakór – eða einfaldlega amma eða afi – þá bjóðum við upp á sérsniðin örnámskeið í skyndihjálp sem henta þínum hópi.

Námskeiðin eru hnitmiðuð og hagnýt, með áherslu á einföld og skýr viðbrögð við algengum atvikum sem geta komið upp í daglegu lífi.

Kennslan er aðgengileg, lifandi og byggir á raunhæfum dæmum – alltaf sniðin að þörfum hópsins og aðstæðum ykkar.

Örnám fyrir byggingarvinnustaði

Skyndihjálp og öryggisvitund á byggingarvinnustað

Þetta stutta og hagnýta örnámskeið er ætlað starfsfólki á byggingarvinnustöðum og öðrum vinnusvæðum þar sem auknar kröfur eru gerðar til öryggis og viðbragðsgetu.

Námskeiðið getur farið fram á ensku og einnig á öðrum tungumálum með aðstoð túlks, þannig að fræðslan nýtist sem best fyrir fjölþjóðlegan hóp starfsmanna á vinnustað.

Námskeiðið er 1–2 klukkustundir að lengd og hentar vel sem hluti af öryggisfræðslu, verkfundum eða upphafi nýrra verkefna á vinnustað.

Áhersla er lögð á einföld og skýr viðbrögð þegar slys eða bráð veikindi verða á vinnusvæði – áður en fagleg neyðarþjónusta kemur á vettvang.

Farið er meðal annars yfir:

Fyrstu viðbrögð við slysum á byggingarvinnustöðum

Hvernig á að kalla eftir aðstoð og hringja í 1-1-2

Skyndihjálp við algengum áverkum (höfuðhögg, fall, skurði o.fl.)

Viðbrögð við meðvitundarleysi og hjartastoppi

Öryggisvitund og samtal um helstu áhættur á vinnusvæðum, svo sem fallvarnir, notkun persónuhlífa og aðrar algengar hættur á byggingarvinnustöðum.

Kennslan er hagnýt og byggir á raunhæfum dæmum úr vinnuumhverfi þar sem þátttakendur fá tækifæri til að ræða aðstæður sem geta komið upp á þeirra eigin vinnustað.

Markmiðið er einfalt: að efla öryggisvitund og tryggja að starfsfólk viti hvernig á að bregðast við þegar slys eða bráðatilvik eiga sér stað.

12 tíma námskeið

12 tíma skyndihjálparnámskeið – fyrir dýpri þekkingu og færni

Þetta er umfangsmesta námskeið Skyndihjálparskólans og er ætlað þeim sem vilja öðlast trausta þekkingu og hagnýta færni í skyndihjálp og endurlífgun.

Mikil áhersla er lögð á verklega kennslu þar sem þátttakendur æfa raunhæfar aðstæður og læra að bregðast hratt, örugglega og rétt við bráðatilfellum. Farið er yfir fyrstu viðbrögð, endurlífgun, notkun hjartastuðtækis og önnur algeng atvik sem geta komið upp á vinnustað eða í daglegu lífi.

Einnig er fjallað um skipulag neyðarviðbragða, hlutverk neyðarþjónustu og mikilvægi samhæfðra viðbragða þegar alvarleg atvik eiga sér stað.

Námskeiðið er sérsniðið að þörfum hópa og vinnustaða og hentar sérstaklega vel fyrir ferðaþjónustufyrirtæki, iðnað og aðra starfsemi þar sem auknar kröfur eru gerðar til öryggis og viðbragðsgetu.

Markmiðið er skýrt: að búa þátttakendur undir að bregðast rétt við þegar sekúndur skipta máli.

Slys og veikndi barna

Slys og veikindi barna

Skyndihjálparnámskeið fyrir foreldra og starfsfólk með ábyrgð á börnum, einstaklingum með sérþarfir

Þetta sérsniðna námskeið er ætlað starfsfólki leikskóla, frístundaheimila, grunnskóla og annarra stofnana sem vinna með börn eða einstaklinga með sérþarfir – sem og foreldrum sem vilja efla þekkingu sína og viðbragðsgetu þegar kemur að slysum og veikindum barna.

Á námskeiðinu er fjallað um algengar aðstæður sem geta komið upp í daglegu lífi barna og hvernig bregðast skuli við þeim af öryggi og yfirvegun.

Áhersla er meðal annars lögð á:

Algeng slys og bráð veikindi barna

Ofnæmisviðbrögð og köfnunartilvik

Fall, höfuðhögg og önnur áverkatilvik

Andleg viðbrögð og stuðning við börn eftir áföll

Hvenær á að hringja í 1-1-2 – og hvað gerist þegar neyðaraðstoð er kölluð til

Kennslan er hagnýt og verkleg, með raunhæfum æfingum sem miða að þeim aðstæðum sem starfsfólk og foreldrar geta staðið frammi fyrir í daglegu lífi með börnum.

Markmiðið er einfalt: að auka öryggi og viðbúnað – svo þú vitir hvað á að gera þegar það skiptir mestu máli.

Sérhæft námskeið fyrir þig

Við sérsníðum öll námskeið að þínum þörfum.

Hvort sem þú ert foreldri langveiks barns, amma eða afi sem ætlar að passa barnabörnin, eða starfar í fyrirtæki þar sem hættuleg efni eru notuð – þá mótum við námskeiðið út frá þínu raunverulega umhverfi og þeim aðstæðum sem þú gætir staðið frammi fyrir.

Reynsla okkar spannar fjölbreytt svið og við höfum kennt fólki úr ólíkum starfsgreinum og aðstæðum. Þekkingin sem við miðlum er hagnýt, raunhæf og sniðin að þeim áskorunum sem þú og þinn hópur getur mætt í daglegu lífi eða starfi.

Skyndihjálp á þínum forsendum – fyrir öryggi allra.

Fornám fyrir
Sjúkraflutningarskólann

Samstarf Sjúkraflutningarskólans og Skyndihjálparskólans

Nánari upplýsingar um næstu námskeið og frekari upplýsingar um fornámið gefur Viðar í síma:
824-2827 eða vidar@skyndihjalparskolinn.is

Áhugasamir einstaklingar um nám í sjúkraflutningum er bent á heimsíðu Sjúkraflutningaskólans www.ems.is

Sérhæfð skyndihjálp fyrir sund og baðstaði -

Hæfnispróf fyrir starfsmenn sundlauga

Hæfnisnámskeið fyrir starfsmenn sundlauga

Starfsmenn sem sinna laugargæslu skulu árlega standast hæfnispróf skv. III. viðauka reglugerðar nr. 814/2010 um hollustuhætti á sund- og baðstöðum. Sundkennarar, sundþjálfarar og leiðbeinendur skulu standast hæfnispróf skv. III. viðauka fyrrnefndrar reglugerðar á tveggja ára fresti. Reglugerð

Skyndihjálparskólinn hefur fram að bjóða leiðbeinendur með gild réttindi sem og mikla þekkingu á björgun í vatni. Okkar hugsjón er að styðja við vinnureglur, neyðaráætlun og viðbragðsáætlanir sundlauga.

Nánari upplýsingar fyrir forstöðumenn sundlauga má nálgast með að hafa samband við Viðar Ara í síma 824-2827 eða vidar@skyndihjalparskolinn.is

Hafðu samband við okkur

Page updated

Google Sites

Report abuse

4 tíma fyrirtækjanámskeið (vinsælast)