Viðar Arason – eigandi Skyndihjálparskólans

Skyndihjálparskólinn er stofnaður og rekinn af Viðari Arasyni, bráðatækni (EMT-P) með víðtæka reynslu úr neyðarþjónustu, öryggismálum og viðbragðsstjórnun.

Viðar hefur starfað um árabil í framlínu viðbragðsþjónustu þar sem hann hefur komið að fjölbreyttum verkefnum sem tengjast slysum, veikindum og öðrum bráðatilvikum. Sú reynsla myndar grunninn að þeirri kennslu sem Skyndihjálparskólinn leggur áherslu á – hagnýta þekkingu sem byggir á raunverulegum aðstæðum.

Auk starfa í neyðarþjónustu hefur Viðar starfað að öryggismálum innan mikilvægra innviða og komið að verkefnum sem tengjast áhættumati, viðbúnaði og viðbragðsáætlunum. Hann hefur einnig menntun á sviði áfalla- og neyðarstjórnunar sem styður við þá heildarsýn sem liggur að baki fræðslu skólans.

Markmið Viðars með Skyndihjálparskólanum er einfalt:

Að miðla hagnýtri og raunhæfri þekkingu sem getur skipt sköpum þegar á reynir.

Björg Agnarsdóttir – rekstur og bókhald

Björg Agnarsdóttir kemur að rekstri Skyndihjálparskólans og sér meðal annars um bókhald og skipulag rekstrar. Í daglegu starfi sínu vinnur hún við mannauðsmál og býr yfir góðri reynslu af rekstri, skipulagi og stjórnun mannauðstengdra verkefna.

Sú þekking styður við faglega uppbyggingu og skipulag starfsemi skólans og tryggir að samstarf við fyrirtæki og hópa gangi vel fyrir sig.